aleppo.prince
03-24-2007, 04:41 PM
أول مشاركة لي معكم
يوميات سوري
احياناً بتفيق الصبح وأنت رايق ومبسوط يعني فايق ورايق بتحط شريط لفيروز ليكمل سحر صباحك وبتشعل الصوبيا وبتفوت عالمطبخ لتغلي ركوة القهوة ويتفوح ريحتها بكل البيت وبتقعد قدام الشباك وبتبلش تشرب قهوتك وتمزمزها من الفنجان وانت دفيان ومبسوط وعم تتفرج على المطر يلي نازل ليغشل الدنيا ويروي الأرض العطشانة وبتقول بقلبك الله يبعت الخير...
فجأة بيختفي حس السيدة فيروز لأن الكهرباء انقطعت وبتخبط إيدك على راسك وانت عم تسمع مرتك عم تقول:( ولي الغسلة بالغسالة والكهرباء انقطعت هلق بتحلحل على بعضها) !!! وبعدين بتقول : (يلا معليش ما رح انزع نهاري )وبتكمل قهوتك وبتقوم لتلبس وتنزل على شغلك ...
طبعاً إذا في شي من اواعيك بدو كوي بتلغيه لأن ما في كهرباء فبتضطر تغير الخطة أ يلي هي لبس بنطلون كحلي مع قميص سماوي لأن القميص بدو تمليسة بالمكواية والمكواية بدها كهربا والكهربا مقطوعة والتصليح بدو وقت وهاتف الطوارئ يا مشغول يا ما عم يجاوب وبتضطر تتجه للخطة ب ويلي هي إنك تلبس أي شي مكوي مع أي شي مكوي أو للخطة ج وهي أنك تلبس اواعيك مجعلكين وشو ما بدو يصير يصير ...
بتطلع من بيتك حامل شمسيتك وبتمشي تحت المطر وانت عم تقول (الله يبعت الخير )وبتوقف لتستنى السرفيس بأمان الله بتقوم بتمرق من جنبك سيارة مسرعة بترشمك رشم بالمي يلي من الطابوسة يلي عملت جهدك ما تنزل فيها ومع هيك وبلا ما تنزع صباحك بتضل واقف بهدوء....
بمر أول سرفيس والتاني والناس عم تطاحش مطاحشة ليركبو وانت مصر ما تنزع صباحك وتتصرف بهالطريقة الهمجية وبتضل واقف عم تستنى.. بعدين بتقول بقلبك إذا جن ربعك عقلك ما ينفعك وبتحاول تطاحش وبحكم إنك غشيم بهالمصلحة بشقولك جاكيتك وهنن عم يجروك ويدفشوك وبتقرر بالأخير أنك ما تنزع صباحك وتاخد تكسي وامرك ل الله...
وبتوقف وبتستنى تاكسي أول واحد مو فاضي يطلع والتاني مشوارو على الميدان والتالت معو طلب وو وو وو واخيراً بتطلع مع تاكسي عم يشكي ويبكي من القلة ومن الزباين قليلين الذوق يلي ما عم يدفعو على كيفو (والحكي الك ياجارة لتسمعي ياكنة ) فجأة بتلاقيه مال عاليمين وقالك:(بعد إذنك حبيب خلينا نطالعو معنا خطي مقطوع) وبيطالع معك طلب تاني وبتقول لحالك معليش بلا ما أنزع نهاري...
بعد شوي برد الشوفير بميل عاليمين وبيقول (معليش شباب خطي حرمه واقفة بالمطر خلينا نطالعها) وبتطلع الحرمة وبيكمل ...وبتوصل بعدين على شغلك بعد ما عملك التاكسي سرفيس على طلع ونزل ولففك السبع لفات لتوصل وهادا شو الطرقات شي معجوق وشي مقطوع وكلو من المطر والحفر وبتمد إيدك على جيبتك وبتطالع المبلغ الموجود على العداد فبيرفعلك حواجبو وبقول :(مو قليل هيك معلم)؟؟ وبتقرر تخلص من هالقصة وبتعطيه عشر ليرات تانيات وبياخدهم منك على مضض وبروح ..
بتفوت على شغلك وبتحاول تشعل الصوبيا وما بتلاقي غير زميلك عم يقلك :(ما في مازوت لا تحاول شو نسيت أنو في ازمة بالبلد ؟؟؟)
وبتقرر تتحمل البرد وبتسكت وبتقعد لتبلش شغل وبفوت زميلك بالغرفة وهو قالب وجو وعم يسب ويلعن شو هالدوائر وشو هالموظفين ؟؟شقفة ورقة طالعوني ونزلوني مشانها ميت درجة وطجو عليها ميت ختم وآخر شي قال شو تعى بكره!!
والله لو كبست الموظف 100ل بأيدو كان مشاها بثواني بس أنا حابب أعمل صاحب مبادئ يلعن .................
وببلش يقمطك قلبك لأنك حاطط ببالك بهاليومين تراجع شي دائرة من دوائر الدولة مشان شي معاملة ...ومع هيك بتحاول تهدي زميلك لتكملو نهاركم على رواق وبتطلب فنجانين قهوة ألك والو بقوم البوفجي بقلك (بس يا استاذ حسابك تقل وصار لازم تدفع يلي عليك )وبعد ما توعدو بالدفع على اول الشهر بتشرب قهوتك وبتكمل شغلك بأقل قدر ممكن من الرواق ...ما بدك تنزع نهارك...
بعد ما تخلص شغل بترجع عالبيت وطبعاً عالطريق بوقفك السمان واللحام ليذكروك إنك لازم تحاسبهم بعد بكره لأنو بعد بكره آخر الشهر ومع هيك بتحاول تتمالك اعصابك وبتقول:خلي هالنهار يمضى على خير..
بتفوت على بيتك
(وانا ما عم قول الضهر لأن الله اعلم ايمتى بيخلص دوامك ) وبتستقبلك مرتك بفاتورة الكهرباء وفاتورة المي وفاتورة التلفون غير قسط الروضة يلي حاطط فيها ابنك مو فزلكة لا سمح الله بس لأن مرتك موظفة متلك ومو خرج تحط ابنك عند امك وامها لأن اخواتكم سبقوكم وكل ام حاطة عندها ولدين تلاتة...
طبعا أجت الكهرباء وانت حابب تاخدلك حمام دافي بتفتح الحنفية لتكتشف انو المي مقطوعة !!ولو شلون نسيت!!وبتقرر تحافظ على يلي بقيان من الرواق وتقعد لتتغدى وبعد الغدا بتقرر تناملك شي ساعة زمان ولأجل حظك ما بيصفى بياع ما بيمرق من تحت شباكك (بياع محارم خضرة أواعي عتيقة وخلافو )هادا غير الأولاد يلي عم يصرخوا بالشوارع ويلعبو ويطقطقو بهالطقطيق...
وبتفيق وانت عم تمني حالك بفنجان قهوة يعدل مزاجك وبتسمع صوت مرتك من المطبخ (ييييه خلص الغاز )وبتنزل متل البطل لتأمن قنينة غاز وكلو بيقلك:(ما في غاز لاتحاول شو نسيت أنو في ازمة ؟؟)وبترجع على بيتك لتعلن هالنبأ السعيد على مرتك يلي بتقرر تناول الحواضر كفطور وغدا وعشا حتى إشعار آخر...
بتحاول تهدي حالك وتسترجع شوي من الرواق يلي كان عندك وبتقلك مرتك (حطلي 500 ليرة لأن بكره عندي موعد مع الدكتور) طبعاً انت ومرتك مو خرج تجيبو ولد تاني يا دوركم تكفو ابنكم الوحيد مشان هيك هي رايحة لعند الدكتور وفهمك كفاي
وبدل ما تروح لعند اهلك أو اهل مرتك لحتى تزورهم وتغير شكل( لأن الدنيا مطر والمواصلات معته) بترفع سماعة التلفون لتحكي مع اهلك لتطمن عليهم وعلى اخوك يلي عم يدور على بيت بالأجرة وما عم يلاقي شي يناسب ميزانيتو المتواضعة كشب نضيف ما بحب الحرام ويلي ممكن يهاجر على بلاد الواق الواق لحتى يقدر يأمن بيت ويتجوز خطيبتو يلي صارلو خاطبها 3 سنين ويلي مل منها وملت منو قبل ما يتجوزو بركي بتقدر تقنعو ما يهج من البلد لتكتشف أنو التليفون معطل لأن المطر بلت العلبة... وهادا يعني انك تستنى فرج الله لحتى يتصلح....
بصير وقت العشا وبتحط انت ومرتك وابنك هالحواضر لحتى تتعشو بين ما يغلي ابريق الشاي على الصوبيا وبتفتحو هالتلفزيون على سبيس تون مشان الصغير ولسه يا دوبكم عم تقولو بسم الله بتنطفي الكهرباء وبتضطروا تكملو عشاكم على ضوء الشموع وصريخ ابنك يلي بدو سبيس تون(قمة الرومانسية)
بتقوم لحتى تنام بآخر هالنهار الظريف بتقوم بتجي مرتك لعندك وبتقلك :
(بتحبني ؟؟؟) بتقوم بتطلع الدخاخين من ادانك ومناخيرك وبطير الشرر من عيونك وبتقلها :(ولك تضربي انت وهالعيشة وهالسؤال كل الشي يلي نحنا فيه وعم تسأليني اذا بحبك ولك كرهت الدنيا وما فيها لك يلعن ؟؟؟؟؟؟)
عرفت ايمتى بتكره الدنيا وما فيها؟؟؟؟؟؟؟؟
يوميات سوري
احياناً بتفيق الصبح وأنت رايق ومبسوط يعني فايق ورايق بتحط شريط لفيروز ليكمل سحر صباحك وبتشعل الصوبيا وبتفوت عالمطبخ لتغلي ركوة القهوة ويتفوح ريحتها بكل البيت وبتقعد قدام الشباك وبتبلش تشرب قهوتك وتمزمزها من الفنجان وانت دفيان ومبسوط وعم تتفرج على المطر يلي نازل ليغشل الدنيا ويروي الأرض العطشانة وبتقول بقلبك الله يبعت الخير...
فجأة بيختفي حس السيدة فيروز لأن الكهرباء انقطعت وبتخبط إيدك على راسك وانت عم تسمع مرتك عم تقول:( ولي الغسلة بالغسالة والكهرباء انقطعت هلق بتحلحل على بعضها) !!! وبعدين بتقول : (يلا معليش ما رح انزع نهاري )وبتكمل قهوتك وبتقوم لتلبس وتنزل على شغلك ...
طبعاً إذا في شي من اواعيك بدو كوي بتلغيه لأن ما في كهرباء فبتضطر تغير الخطة أ يلي هي لبس بنطلون كحلي مع قميص سماوي لأن القميص بدو تمليسة بالمكواية والمكواية بدها كهربا والكهربا مقطوعة والتصليح بدو وقت وهاتف الطوارئ يا مشغول يا ما عم يجاوب وبتضطر تتجه للخطة ب ويلي هي إنك تلبس أي شي مكوي مع أي شي مكوي أو للخطة ج وهي أنك تلبس اواعيك مجعلكين وشو ما بدو يصير يصير ...
بتطلع من بيتك حامل شمسيتك وبتمشي تحت المطر وانت عم تقول (الله يبعت الخير )وبتوقف لتستنى السرفيس بأمان الله بتقوم بتمرق من جنبك سيارة مسرعة بترشمك رشم بالمي يلي من الطابوسة يلي عملت جهدك ما تنزل فيها ومع هيك وبلا ما تنزع صباحك بتضل واقف بهدوء....
بمر أول سرفيس والتاني والناس عم تطاحش مطاحشة ليركبو وانت مصر ما تنزع صباحك وتتصرف بهالطريقة الهمجية وبتضل واقف عم تستنى.. بعدين بتقول بقلبك إذا جن ربعك عقلك ما ينفعك وبتحاول تطاحش وبحكم إنك غشيم بهالمصلحة بشقولك جاكيتك وهنن عم يجروك ويدفشوك وبتقرر بالأخير أنك ما تنزع صباحك وتاخد تكسي وامرك ل الله...
وبتوقف وبتستنى تاكسي أول واحد مو فاضي يطلع والتاني مشوارو على الميدان والتالت معو طلب وو وو وو واخيراً بتطلع مع تاكسي عم يشكي ويبكي من القلة ومن الزباين قليلين الذوق يلي ما عم يدفعو على كيفو (والحكي الك ياجارة لتسمعي ياكنة ) فجأة بتلاقيه مال عاليمين وقالك:(بعد إذنك حبيب خلينا نطالعو معنا خطي مقطوع) وبيطالع معك طلب تاني وبتقول لحالك معليش بلا ما أنزع نهاري...
بعد شوي برد الشوفير بميل عاليمين وبيقول (معليش شباب خطي حرمه واقفة بالمطر خلينا نطالعها) وبتطلع الحرمة وبيكمل ...وبتوصل بعدين على شغلك بعد ما عملك التاكسي سرفيس على طلع ونزل ولففك السبع لفات لتوصل وهادا شو الطرقات شي معجوق وشي مقطوع وكلو من المطر والحفر وبتمد إيدك على جيبتك وبتطالع المبلغ الموجود على العداد فبيرفعلك حواجبو وبقول :(مو قليل هيك معلم)؟؟ وبتقرر تخلص من هالقصة وبتعطيه عشر ليرات تانيات وبياخدهم منك على مضض وبروح ..
بتفوت على شغلك وبتحاول تشعل الصوبيا وما بتلاقي غير زميلك عم يقلك :(ما في مازوت لا تحاول شو نسيت أنو في ازمة بالبلد ؟؟؟)
وبتقرر تتحمل البرد وبتسكت وبتقعد لتبلش شغل وبفوت زميلك بالغرفة وهو قالب وجو وعم يسب ويلعن شو هالدوائر وشو هالموظفين ؟؟شقفة ورقة طالعوني ونزلوني مشانها ميت درجة وطجو عليها ميت ختم وآخر شي قال شو تعى بكره!!
والله لو كبست الموظف 100ل بأيدو كان مشاها بثواني بس أنا حابب أعمل صاحب مبادئ يلعن .................
وببلش يقمطك قلبك لأنك حاطط ببالك بهاليومين تراجع شي دائرة من دوائر الدولة مشان شي معاملة ...ومع هيك بتحاول تهدي زميلك لتكملو نهاركم على رواق وبتطلب فنجانين قهوة ألك والو بقوم البوفجي بقلك (بس يا استاذ حسابك تقل وصار لازم تدفع يلي عليك )وبعد ما توعدو بالدفع على اول الشهر بتشرب قهوتك وبتكمل شغلك بأقل قدر ممكن من الرواق ...ما بدك تنزع نهارك...
بعد ما تخلص شغل بترجع عالبيت وطبعاً عالطريق بوقفك السمان واللحام ليذكروك إنك لازم تحاسبهم بعد بكره لأنو بعد بكره آخر الشهر ومع هيك بتحاول تتمالك اعصابك وبتقول:خلي هالنهار يمضى على خير..
بتفوت على بيتك
(وانا ما عم قول الضهر لأن الله اعلم ايمتى بيخلص دوامك ) وبتستقبلك مرتك بفاتورة الكهرباء وفاتورة المي وفاتورة التلفون غير قسط الروضة يلي حاطط فيها ابنك مو فزلكة لا سمح الله بس لأن مرتك موظفة متلك ومو خرج تحط ابنك عند امك وامها لأن اخواتكم سبقوكم وكل ام حاطة عندها ولدين تلاتة...
طبعا أجت الكهرباء وانت حابب تاخدلك حمام دافي بتفتح الحنفية لتكتشف انو المي مقطوعة !!ولو شلون نسيت!!وبتقرر تحافظ على يلي بقيان من الرواق وتقعد لتتغدى وبعد الغدا بتقرر تناملك شي ساعة زمان ولأجل حظك ما بيصفى بياع ما بيمرق من تحت شباكك (بياع محارم خضرة أواعي عتيقة وخلافو )هادا غير الأولاد يلي عم يصرخوا بالشوارع ويلعبو ويطقطقو بهالطقطيق...
وبتفيق وانت عم تمني حالك بفنجان قهوة يعدل مزاجك وبتسمع صوت مرتك من المطبخ (ييييه خلص الغاز )وبتنزل متل البطل لتأمن قنينة غاز وكلو بيقلك:(ما في غاز لاتحاول شو نسيت أنو في ازمة ؟؟)وبترجع على بيتك لتعلن هالنبأ السعيد على مرتك يلي بتقرر تناول الحواضر كفطور وغدا وعشا حتى إشعار آخر...
بتحاول تهدي حالك وتسترجع شوي من الرواق يلي كان عندك وبتقلك مرتك (حطلي 500 ليرة لأن بكره عندي موعد مع الدكتور) طبعاً انت ومرتك مو خرج تجيبو ولد تاني يا دوركم تكفو ابنكم الوحيد مشان هيك هي رايحة لعند الدكتور وفهمك كفاي
وبدل ما تروح لعند اهلك أو اهل مرتك لحتى تزورهم وتغير شكل( لأن الدنيا مطر والمواصلات معته) بترفع سماعة التلفون لتحكي مع اهلك لتطمن عليهم وعلى اخوك يلي عم يدور على بيت بالأجرة وما عم يلاقي شي يناسب ميزانيتو المتواضعة كشب نضيف ما بحب الحرام ويلي ممكن يهاجر على بلاد الواق الواق لحتى يقدر يأمن بيت ويتجوز خطيبتو يلي صارلو خاطبها 3 سنين ويلي مل منها وملت منو قبل ما يتجوزو بركي بتقدر تقنعو ما يهج من البلد لتكتشف أنو التليفون معطل لأن المطر بلت العلبة... وهادا يعني انك تستنى فرج الله لحتى يتصلح....
بصير وقت العشا وبتحط انت ومرتك وابنك هالحواضر لحتى تتعشو بين ما يغلي ابريق الشاي على الصوبيا وبتفتحو هالتلفزيون على سبيس تون مشان الصغير ولسه يا دوبكم عم تقولو بسم الله بتنطفي الكهرباء وبتضطروا تكملو عشاكم على ضوء الشموع وصريخ ابنك يلي بدو سبيس تون(قمة الرومانسية)
بتقوم لحتى تنام بآخر هالنهار الظريف بتقوم بتجي مرتك لعندك وبتقلك :
(بتحبني ؟؟؟) بتقوم بتطلع الدخاخين من ادانك ومناخيرك وبطير الشرر من عيونك وبتقلها :(ولك تضربي انت وهالعيشة وهالسؤال كل الشي يلي نحنا فيه وعم تسأليني اذا بحبك ولك كرهت الدنيا وما فيها لك يلعن ؟؟؟؟؟؟)
عرفت ايمتى بتكره الدنيا وما فيها؟؟؟؟؟؟؟؟